ئافره‌تێكی چالاكوان به‌ كوژراوی دۆزرایه‌وه‌

 بەرەبەیانی  ڕێكەوتی 24ی8ی 2020  تەرمی ژنێک لە نزیك فرۆكەخانەی سلێمانی دۆزرایەوە، کە شوێنەواری فیشەک بە جەستەیەوە بووە.

بەپێی زانیارییەکان، ئەو ژنە تەمەنی  34 ساڵە، ناوی "بژوێن مستەفا"یە، چالاكوانی ئافرەتان و ژینگه‌ پارێز بووە،و بەردەوام ڕۆڵی هەبووە لەهۆشیاركردنەوەی ئافرەتان و ژنان، و كاری ژینگه‌پارێزیدا.

بژوێن بۆ ماوه‌ی دوو رۆژ دیار نەماوە و دواتر بەرەبەیانی ڕێكه‌وتی 24ی 8ی 2020 بە كوژراوی دۆزرایەوە کە شوێنەواری فیشەک بە جەستەیەوە دیار بووە.

بەپێی بەدواداچوونمان بەرێوەبەرایەتی پۆلیسی سلێمانی پێی ڕاگەیاندین كە ئەم ئافرەتە چالاكوانە لەلایەن كەسێك بەناوی ( ش.ع.ا) كوژراوە و تا ئامادەكردنی ئەم هەواڵە تۆمەتبار دەستگیر نەكراوە و خۆی ڕادەستی پۆلیس و یاسا نەكردووە.   هێلین میدیا