ئه‌ركی دایک و باوك له فێربوون و سه‌ركه‌وتنی مناڵدا
ھەموو قوتابیه‌ك توانایەکی بێسنوری ھەیە، بەڵام
چەند ھۆکارێکی ھاوبەش ھەیە کە دەتوانن کاریگەری لەسەر ئەوە بکەن کە ئایا ئەوان لە
کۆتاییدا بەو توانایە دەژین یان نا ، شارەزایان پێیان وایە کە رۆڵی دایک لە ژیانی
منداڵدا کاریگەرییەکی زۆری ھەیە. بەشدابوونی دایک و باوک زۆر گرنگە بۆ منداڵێک کە
لە قوتابخانە باش بێت، ھەندێ لە دایک و باوکان لەوانەیە وابیربکەنەوە کە ئەوە ڕۆڵی
مامۆستایە بۆ فێرکردن نەك ئەوان، منداڵان تەنھا لە رۆژی قوتابخانەدا دەست بە فێربوون
ناکەن به‌ڵكو ئەوان ھەمیشە کراوەن بۆ فێربوون لە ماڵەوە، لەگەڵ ھاوڕێ و لە رێگەی
کاریگەریەکانی ترەوە.
ئەوەی گرنگە دایک و باوک ببنە چەرخی ئاراستەکردنی خوێندنی
منداڵەکەیان، دابینکردنی ڕێنوێنی و زانیاری گونجاو كه بە درێژایی گەشتەکە پێویستە
بۆ ئەوەی منداڵەکانیان له‌و فه‌زایه بمێننەوە و لە گەیشتن بە توانا ئەکادیمیەکانیان
بێزار نەبن. توێژینەوەکان ئەوە پیشان دەدەن کە رۆڵی دایک و باوک لە فێربوونی منداڵەکان
گرنگە بۆ دەستکەوتە ئەکادیمیەکانیان . لێکۆڵینەوەكان زیاتر ئەوە نیشان دەده‌ن کە
گرنگترین کات بۆ بەشداربوون ئەوەیە کە منداڵان لە قۆناغی سەرەتایی قوتابخانەدان، ئەم
ساڵانەی سەرەتایی قوتابخانە گونجاوترین کاته بۆ دایک و باوکان كه بتوانن
رێنمایكارێكی سه‌ركه‌وتووبن بۆ مناڵه‌كانیان.
گەران بە سروشت و خوێندنەوەی کتێب و فێرکردنی چەند
ئەرکێکی بنەڕەتی منداڵان، ھەمووی چالاکیەکی مانادارن کە خواستی منداڵان بۆ بەردەوامبوون
لە فێربوونی شتی نوێ بە ھێز دەکات.
كاریگه‌رییه‌كانی بەشداربوونی دایک و باوک لە پەروەردە :
*دایک و باوک و منداڵەکان
چێژ لە کارلێککردنێکی قووڵتر وەردەگرن.
*ئەو منداڵانەی کە لە
ماڵەوە بابه‌تی نوێ فێرده‌بن یاخود زیاتر فێر ده‌كرێن، حەزیان لە ئەنجامدانی باشتر
دەبێت لە تاقیکردنەوە ئاساییەکان.
*منداڵان بڕوا بە خۆبوون
و متمانەی زیاتر و ھەڵسوکەوتی رێكتر پیشان دەدەن.
*منداڵان بە ئاسانی و
بەردەوام کاری ماڵەوە تەواو دەکەن.
*منداڵان نمرەی باشتر
وەردەگرن له ئامادەبوون و تاقیکردنەوەکاندا، دایک و باوکان زیاتر ئاگاداری ئەوەن
کە منداڵەکانیان چی فێردەبن.
رێناس قادر